وصفات للسحور في رمضان، هناك الكثير من النساء ممن يبحثون عن ووصفات للسحور في شهر رمضان، فالسحور هي وجبة أساسية في شهر رمضان، وهي سنة مؤكدة عن النبي صلى الله عليه وسلم، وكما عن إن السحور يعتبر من الوجبات المهمة في شهر رمضان لان السحور يعمل على مد الجسم بالطاقة اللازمة وتمنع الشعور بالعكش في نهار شهر رمضان، وخاصة في فصل الصيف، وقال صلى الله عليه وسلم ” تسحروا فإن في السحور بركة ” و هذا يؤكد علي أهمية السحور لكي تمنع إحساس الشعور بالجوع و العطش طوال اليوم و هذا لا يعني أن تلجأ إلي تناول وجبة دسمة و غير صحية لكن يفضل أن تحتوي هذه الوجبة علي العناصر الغذائية المفيدة للجسم و تمده بالعناصر الغذائية مثل الفواكه و الخضروات الطازجة و الخبز و الجبن، وفي إطار هذا الموضوع نحن في موسوعة المحيط سوف نقدم لكم وصفات للسحور في رمضان.
وصفات للسحور في رمضان
تقدم العديد من النساء في البيوت العديد من الوصفات والآكلات في وجبة السحور والتي حثنا الرسول صلى الله عليه وسلم على تناولها قبل الصيام في شهر رمضان، حيثُ يوجد الكثير من الوصفات الطعام التي يتم تناولها خلال وجبة السحور ونحن سوف نقدمها لكم.
وصفة البيض بالبطاطس والجبنة
المكونات
- 4 ثمرات بطاطس متوسطة الحجم متقطعة مكعبات.
- ½ كوباية بصل مفروم.
- 2 معلقة صغيرة فلفل اسود.
- ¼ معلقة صغيرة ملح.
- ¼ كوباية زيت نباتي.
- 3 معالق زبدة.
- 4 بيضات.
- 2 معلقة كبيرة لبن.
- 4 شرايح لحمة حمرا ممكن نستبدلها بالسجق.
- 2 كوباية جبنة شيدر مبشورة.
- للتزيين “اختياري”:
- ثمرة افوكادو مفروم.
- 1 ثمرة طماطم صغيرة.
- 1 بصلة خضرة.
الطريقة
سخني الفرن على درجة حرارة 375 درجة فهرنهايت, سخني الطاسة على نار متوسطة وضيفي الزيت, وبعدين ضيفي البطاطس والبصل والملح والفلفل وقلبيهم مع بعض كويس لحد ما تتحول البطاطس للون البني, طلعي البطاطس في طبق وضيفي لها البيض واللبن وشوية فلفل اسود, قطعي اللحمة او السجق حسب اللي هتستخدميه لقطع صغيرة, هاتي طاجن او صينية صغيرة حطي الزبدة وحطيها على النار وضيفي لها خليط البطاطس ومعاها قطع اللحمة او السجق وحطي على الوش الجبنة الشيدر وممكن تستخدمي جبنة موتزرايلا, وحطيها في الفرن لمدة 15 دقيقة.
وصفة الشكشوكة
المكونات
- 1 ثمرة طماطم متقطعة مكعبات صغيرة.
- 1 ثمرة فلفل اخضر متقطعة قطع صغيرة.
- 5 بيضات.
- بصلة متقطعة قطع صغيرة.
- ملح – فلفل.
- 2 معلقة زبدة.
الطريقة
اضربي البيض, وسخني الزبدة في طاسة على النار, حطي فيها البصل قلبيه لحد ما يدبل, وبعدها ضيفي له الفلفل الاخضر وقلبيهم مع بعض كام دقيقة وبعدها ضيفي الطماطم وسيبيها تستوي, وبعدين ضيفي البيض قلبيه لحد ما يستوي.
وصفة عجة البيض
المكونات
- 5 بيضات.
- بقدونس.
- بصلة متقطعة صغير.
- ملح – فلفل.
- 2 معلقة كبيرة زبدة.
- معلقة كبيرة دقيق.
الطريقة
في طاسة على النار حطي الزبدة والبصل قلبيهم مع بعض لحد ما البصل يدبل ويبقى لونه دهبي, ضيفي البقدونس والدقيق وقلبيهم, ارفعي الطاسة من على النار, وهاتي طبق اضربي فيه البيض وضيفي له الملح والفلفل, وبعدها صبي خليط البصل على البيض وقلبيهم كويس, رجعي الخليط في الطاسة تاني, وحطيه على النار وسيبيه لحد ما يستوي.
وصفة جبنة كريمي بالاعشاب والثوم
المكونات
- 1 معلقة صغيرة ثوم مفروم.
- ¾ معلقة صغيرة بهارات.
- ½ معلقة صغيرة ملح.
- 1/8 معلقة صغيرة بصل بودرة.
- كوباية جبنة كريمي.
الطريقة
في طبق حطي الجبنة وضيفي لها كل المكونات وقلبيها وحطيها في التلاجة ساعة قبل الاكل.
وصفة جبنة في الفرن
المكونات
- ½ كوباية زبدة مخفوقة.
- 2 كوباية جبنة شيدر مبشورة.
- كوباية دقيق.
- معلقة صغيرة فلفل.
- ½ معلقة صغيرة كمون مطحون.
- ¼ معلقة صغيرة شطة “اختياري”.
- زيتون اخضر متقطع.
الطريقة
في طبق اخلطي الزبدة مع الجبنة وقلبيهم بالشوكة او ممكن تحطيهم في الخلاط لحد ما يبقى الخليط ناعم, ضيفي لهم الدقيق والملح والفلفل والشطة, وغطيهم لمدة ساعة وممكن تجهزيها من قبلها بيوم, بعدها ضيفي الزيتون المتقطع لخليط الجبنة, اعملي كور صغيرة من الخليط ورصيها في طبق على ورق زبدة, وحطيها في التلاجة لحد ما تتجمد او تبقى ماسكة نفسها, سخني الفرن على 400 درجة فهرنهايت, طلعي الجبنة من التلاجة سيبيها ربع ساعة وبعدين حطيها في صينيه ودخليها الفرن لمدة 15 دقيقة, طلعيها وسيبيها تبرد وبالهنا والشفا.
The post وصفات للسحور في رمضان appeared first on المُحيط.
source https://www.almuheet.net/99666/
ليست هناك تعليقات:
إرسال تعليق